ຫຼັງຈາກທີ່ອົງການການບິນພົນລະເຮືອນຮົງກົງປະກາດຂໍ້ຈຳກັດສຳລັບຜູ້ໂດຍສານທີ່ໃຊ້ບໍລິການສາຍການບິນພາຍໃນປະເທດເມື່ອສອງສາມວັນກ່ອນ.
ສາຍການບິນແອເອເຊຍຂອງມາເລເຊຍໄດ້ປະກາດໃນວັນທີ 26 ມີນາ ຜ່ານມາວ່າ: ນັບແຕ່ເດືອນເມສາເປັນຕົ້ນໄປ, ຜູ້ໂດຍສານຕ້ອງເກັບພາວເວີແບງຂອງຕົນເອງໄວ້ໃນກະເປົາທີ່ຕິດຢູ່ກັບບ່ອນນັ່ງດ້ານໜ້າ (seat pocket) ຫຼື ກ້ອງເບາະບ່ອນນັ່ງເທົ່ານັ້ນ.
ທັງນີ້, ສາຍການບິນຍັງໄດ້ປະກາດຫ້າມຜູ້ໂດຍສານໃຊ້ພາວເວີແບງສາກອຸປະກອນເອເລັກໂຕຣນິກແບບພົກພາທຸກປະເພດໃນລະຫວ່າງການບິນ. ໂດຍລະບຸຜ່ານເວັບໄຊທາງການວ່າ: ມາດຕະການດັ່ງກ່າວແມ່ນສອດຄ່ອງກັບມາດຕະຖານຄວາມປອດໄພດ້ານການບິນໃນທົ່ວໂລກ. ເພື່ອຫຼຸດຜ່ອນຄວາມສ່ຽງຈາກອຸບັດເຫດທີ່ກ່ຽວຂ້ອງກັບແບັດເຕີຣີໃນລະຫວ່າງການເດີນທາງ.
ນອກຈາກນີ້, ແອເອເຊຍຍັງແນະນຳໃຫ້ຜູ້ໂດຍສານກວດເບິ່ງຄຸນສົມບັດຂອງພາວເວີແບງໃຫ້ຖືກກັບຂໍ້ກຳນົດຂອງສາຍການບິນກ່ອນເດີນທາງເຖິງສະໜາມບິນ ໂດຍຫ້າມນຳພາວເວີແບງທີ່ມີຄວາມຈຸເກີນ 100 ວັດ/ຊົ່ວໂມງ (Wh) ຫຼື 20,000 milliampere/ຊົ່ວໂມງ (mAh) ຂຶ້ນເຮືອບິນ.
ສໍາລັບອຸປະກອນໃດກໍຕາມທີ່ໃຊ້ແບັດເຕີຣີ ແລະ ມີຄວາມຈຸລະຫວ່າງ 100-160 ວັດ/ຊົ່ວໂມງ. ຜູ້ໂດຍສານຕ້ອງແຈ້ງ ແລະຂໍອະນຸຍາດຈາກພະນັກງານສາຍການບິນຢູ່ເຄົາເຕີເຊັກອິນກ່ອນຂຶ້ນເຮືອບິນ.
ຄໍາເຫັນ